بصفتى واحد من الاخوان احب اقول راى عن السلف لكن قبل كده احب انى احكى لكم قصة صغيرة حصلت معايا " كنت ماشى مع واحد صحبى ولا هو سلف ولا هو اخوان بتكلم و بندردش مع بعض و اخذنا الكلام الى موضوع خلاف السلف والاخوان وسالنى سؤال بسيط..انتم ليه بتكرهوا السلف؟ اجبت ببساطة على هذا السؤال بقولى " احنا مش بنكرهم بمعنى الكراهية العميق ولكن الذى يجعلنا نكرهم فى بعض الاحيان هو انهم بيتكلموا علينا كتير دائما ما نسمع انهم بيسبونا ويقبحوا اعمالنا ودائما ما نسمع منهم ان الاخوان بتوع سياسة وبس ومش بتوع ربنا " اجاب صديقى وقال لى عندك حق انا اعرف سلف كتير وكل ما يتكلموا يتكلموا عليكم .

هذه القصة يا اخوانى توضح لكم ليه احنا مش بنحب السلف وفيه جوانب كثيرة بنختلف معاهم فيها ولكن احنا عمرنا ما بنتكلم عليهم هذه هى قاعدة اساسية فى الاخوان .

• الفرق مابيننا وما بين السلف هو اننا مؤمنين ان دين الاسلام دين يسر على الانسان دين الحب والرفاهية ومتاكدين ان كل حاجة حرمها علينا ربنا بنحس بيها ونعرفها بدون ايات واحاديث وكل ده اخدينه من حديث رسول الله صلى الله عليه وسلم "الاثم ما حاك فى النفس ولم يطمؤن اليه القلب " صدق رسول الله صلى الله عليه وسلم
• و احنا عندنا قاعدة دائما ما نستخدمها فى الدعوة الى الله وفى ذرع الخير فى هذه الامة وهى قاعدة الاولويات , يعنى مثلا مايكونش الشخص مابيصليش واحنا نروح ندعيه الى تربية اللحية و ما يكونش الشخص بيشرب سجائر واحنا ندعيه الى صيام الاثنين و الخميس من كل اسبوع , فالاخوان دائما ما يفهمون تلك القواعد الدعوية ولكن للاسف السلف بيفتقدوا الى تلك النقاط المهمة  فى الدعوة.
• واخيرا اقول الى كل اخ سلفى ارحب دائما بالنقد الذى يبنى ولا يهدم وانك دائما اخى فى الاسلام الذى احبه واريد دائما ان يكون فى احسن حال وان يكون جدير بحمل تلك الدعوة وهى الدعوة الى الله و السلام عليكم ورحمة الله وبركاته .